Bideak
BIDEAK BIZKAIKO BIDEAK S.A. enpresa publikoa 1996an eratu zen, Bizkaiko Foru Aldundiaren jabetzako azpiegiturak eraiki, hornitu eta kudeatzeko. Bide-azpiegituren arloan hasi zen lanean eta apurka-apurka gizarte-azpiegituretara bideratuz joan da; azken urteotan arlo horretakoa da egiten dituen ia jarduera guztia.
Parte hartu duen bide-azpiegiturei dagokienez, honako hauek aipatu daitezke:
- Mungiako saihesbidea
- Txorierriko Korridorea: Larrabetzu-Erletxe bide-zatia. Derio – Larrabetzu bide-zatia
- Ibarrekolandako lotura eta Deustuko beheko saihesbidearen konexioa
- Gernika –Lumoko saihesbidea
- Gurutzetako aldageltokiaren birmoldaketa
- Larrabetzuko saihesbidea
- Ugaldebietako zerbitzugunea
Luzeegia litzateke Sozietateak parte hartu duen gizarte-azpiegitura guztien aipamena egitea; izan ere, udalerri askotan garatu ditu adineko pertsonen edo urritasunen bat dutenen ongizaterako ereduak. Hala ere, modalitate hauetan multzokatu daitezke, erabiltzaile-taldeen arabera:
- Urritasuna duten pertsonentzako eguneko zentroak
- Urritasuna duten pertsonentzako egoitzak
- Mendeko pertsona nagusientzako eguneko zentroak
- Mendeko pertsona nagusientzako egoitzak
- Mendeko pertsona nagusientzako egoitzak, eguneko zentroa dutenak