Hemeroteca
Azpiegiturak, S.A.U.k toki babeseko 24 etxebizitza eskuragai jarri ditu Lanestosako udalerrian erosketa zein erosteko aukeradun errentamenduaren bitartez eskuratzeko. Etxebizitzak Enkarterrietako Hiribilduaren hirigunean kokatuta daude eta guztiek aparkaleku eta trastelekua dute.
• Berrikuntza arloko enpresa berriak sustatzeko programatutako esku-hartzeek, guztira, 9,4 milioi euroko aurrekontua izango dute, sormen industria bultzatzeko 1,2 milioi bideratuko dira, eta merkataritza eta eskualdeak berraktibatzeko programetara, ostera, 600.000 euro.
• Gaur onartu dira berrikuntza enpresa berriak sustatzeko eta "Bizkaia Sortzailea" programa barruan jasotako laguntzak arautzeko dekretuak; orotara 3,4 milioi bideratuko dira.
• Aurten lehen aldiz, diru-laguntzak emango dira nazioartean proiektuak garatuko dituzten profesionalak kontratatzeko gastuak partzialki laguntzeko.
• Enpresa Berriak Sortzeko 2012-2015 Foru Plana garatzeko programatutako jarduerei eta zuzeneko laguntza hauei esker, berrikuntza enpresetarako 75 proiektu eta 20 sormen enpresa sortzen laguntzea da xedea.
Aurten, Bizkaiko Foru Aldundiak 14,8 milioi bideratuko ditu «Enpresa txiki eta ertainak eta langile autonomoak sustatzeko 2012-2015eko plana»ren barruko laguntzetarako. Plana funtsezkoa da ekonomia eta enplegua suspertzeko estrategian; izan ere, Bizkaian 50.000 autonomo daude, eta 15.500 enpresa txiki eta ertainak. Laguntza hauen bidez, Foru Aldundiak helburu hau ezarri du 2013. urterako: 330 autonomori eta 750 enpresa txiki eta ertaini laguntzea, eta, hala, 15.000 lanpostu finkatzen laguntzea.
ALDUNDIAK APUSTUA EGIN DU GAZTEEN ENPLEGUAREN, EKINTZAILETZAREN, BERRIKUNTZAREN ETA BIZKAIKO ENPRESEN NAZIOARTEKOTZEAREN ALDE.
Bizkaiko Foru Aldundiko Ekonomia Sustatzeko Sailak 2013an 72,4 milioi euroko aurrekontua izango du. Kopuru hori, % 2ko murrizketa erreala da 2012ko aurrekontuarekin alderatuta.
Zehazki, murrizketa 7.536.000€-koa da guztira, % 9,4 2012arekin alderatuta, baina Bizkaiko Foru Aldundiak kirol profesionalari (Athletic, Gescrap, Euskadi Txirrindularitza Fundazioa, etab.) kenduko dizkion laguntzak (6,1Milioi €) deskontatu ostean, emaitza da Ekonomia Sustatzeko Sailaren aurrekontuaren murrizketa erreala 1,4 milioi eurokoa dela, % 2 2012arekin alderatuta.