Azpiegitura

7.786,81 m2-ko azalerarekin, espazioa bi eraikinen bidez antolatzen da. Enkarterrin enpresa-jarduerak sortzeko eta garatzeko erakundeen konpromisoaren atal garrantzitsua da. Gaur egun, obra hasita eta zimendatze-fasean dago, eta 2025eko lehen hiruhilekoan amaitzea eta martxan jartzea aurreikusita dago, Zallako Longar industrialdean abian jarriko den enpresa-zentro berria gauzatzen den unean. Inbertsioa, guztira, 7,5 milioi eurokoa da.

Zallako Elkartegi berria Bizkaiko Foru Aldundiko Sustapen Ekonomikoko Sailaren eta Eusko Jaurlaritzako Garapen Ekonomikoko, Ingurumeneko eta Iraunkortasuneko Sailaren arteko lankidetza-ekimena da, Azpiegiturak eta Sprilur erakundeen bitartez. 7.786,81 m2-ko azalerarekin, espazioa bi eraikinen bidez antolatzen da. 1.800 m2-ko eraikina oinplanoan, enpresen beharretara egokituz multzokatu daitezkeen 6 espaziorekin modulatua; eta startup motako enpresentzako beste bi espaziorekin. Eta oinplanoan 2.500 m2-ko bigarren eraikin bat, taldeka daitezkeen 8 modulu dituena.

Elkartegia Bizkaiko Elkartegien sarean sartuko da, eta horrek abantaila erakargarriak ekarriko dizkie enpresei eta ekintzaileei; izan ere, hileko errentaren % 40 arteko prezioaren gaineko hobariak eskuratu ahal izango dituzte gehienez ere lau urtez. Halaber, garrantzi berezia izango dute leku gehiago behar izateagatik hainbat modulu taldekatzea eska dezaketen industria-proiektuek.

Enkarterrin enpresa-jarduerak sortzea eta garatzea sustatzeko erakundeen konpromisoaren atal garrantzitsua da, eta Enkarterriko 2030 Eskualdeko Plan Estrategikoan, Lehentasunezko Jarduera Eremuak berrabiarazteko Erakunde arteko Planean, onartutako neurrietako bat.

Infografía Zalla

Azpiegitura aitzindari eta berritzailea da eta Europako abangoardian kokatzen du Bizkaia, gizarte-erronka bikoitzari elkarrekin helduz: bizitza-luzera eta gazteen emantzipazioa.

Belaunaldien arteko erantzuna da; izan ere, zentro horretan adin desberdinetako pertsonak biziko dira elkarrekin, elkarri eraginez eta beren bizi-proiektuak komunitateari irekita egongo den espazio komun batean garatuz. 8.854 metro koadro proiektatu dira.

Ekipamendua mistoa da, eta obra-fasea hasita dago. Behin eraisteko, hondeatzeko eta zimenduak jartzeko fasea amaituta, une honetan eraikinaren egitura egiten ari dira. 100 egoitza-plaza izango ditu mendekotasun-egoeran dauden adinekoentzat, gehienez 20 pertsonako bizikidetza-unitateetan banatuta, eta alokairuko 40 zuzkidura-apartamentu, udalerriko gazteentzat.

Eraikin berria Erromo auzoaren ingurunean integratuko da plaza berri baten bidez, eta guztira bost solairu izango ditu (beheko solairua, lau solairu eta atikoa); eremu bereiziak eta belaunaldien arteko elkarbizitzarako eta elkarrekintzarako erabilera komuneko eremuak, eta espazio zabalak, irisgarriak, patio ingelesa, terrazak eta hiri-baratzeak.

Proiektu hori Getxoko Udalaren eta Bizkaiko Foru Aldundiaren arteko lankidetzaren emaitza da, eta 16 milioi euro baino gehiagoko inbertsioa ekarriko du.

Zentro berria Kresaltzu eta Lope de Vega kaleen elkargunean egongo da.

EtxeTIC ereduko Eguneko Zentroa da eta 40 plaza ditu eguneko zentroko zerbitzuan, eta etxean egoteko laguntza zerbitzutik, 750 etxetara heldu daiteke. Tepeyac auzuneko 11. zenbakiko  beheko solairuan dago, Otxaranerako kalean.

Lokalaren antolaketa geometrikoari dagokionez, espazioaren banaketa bi hormarte nagusitan antolatuta dago: fatxadetakoa eta hondokoa.

Lehenengoan, erabiltzaileei zuzendutako espazio nagusiak daude, eguneko argi naturala aprobetxatzeko. Gune hau espazioak malguak izan daitezen diseinatuta dago, banaketari eta trenkada mugikorren erabilerari esker, era independentean hainbat jarduera garatu ahal izateko, haien artean interferentziarik egon gabe.

Beste hormartean, hondokoan, Eguneko Zentroak funtzionatu ahal izateko zerbitzuak kokatzen dira: sukaldeko ofizioa, bainugela eta komunak, administrazio-gunea, eta langileen aldagelak.